Бэлэн үнэгүй юм амтгүй байдаг

11:27 AM

Бэлэн үнэгүй юм амтгүй байдаг



Зарим нэгэн хүмүүс тааралддаг, нэг ийм юм хийх гэсэн юм ивээн тэтгэлэг олдох болов уу? Номоо хэвлэх, дууны CD гаргах гэсэн юм ивээн тэтгэгч олж өгөөч. Ажилд орох гэсэн юм таньдаг хүндээ хэлж өгөөч. Яг үнэндээ бэлэнчлэх гэдэг энэ муухай сэтгэлгээ бидний дунд ямар амь бөхтэй байдаг юм бэ?. Ийм хүсэлттэй тулгарах бүрдээ би дотроо урам хугардаг. Хүн хэрэв тухайн юмаа үнэхээр хийхийг хүсэж байвал оролдоод л үзэх хэрэгтэй. Би номоо бичиж дуусчихаад хэвлүүлэх гэж байхдаа ч бас хэдэн сарыг шал дэмий ивээн тэтгэгч олдох болов уу гэж бодсоор цаг алдсан юмдаг. Ичихгүй гуйгаад л явсан бол хэд гурван юм олдох магадгүй ч өөрийнхөө хийх зүйлийн төлөө хүнээс мөнгө гуйх шиг ичмээр юм байхгүй юм билээ. Ямар хүний төлөө амьдарч буй биш. Эцэст нь нэг л өдөр бэлэнчлэх гэсэн муухай бодол миний дотор шингэсэн байсныг гаргаж хаяад бүтэн сар амьдрах сарын цалингаараа хэдэн ном хэвлүүлэх болж билээ. Харин ном бүтээлээ сэтгэлээсээ бичсэнийх үү хүмүүс намайг тоосон. Энэ тоолтоос урам авч өөрийнхөө хийх гэж хүссэн зүйлээ өөрөө л хийж бүтээх нь ямар их амттай болохыг ойлгож билээ. 
Дуртай зүйлээ хийх шиг жаргал гэж үгүй. Иймд би танд хүсэл эрмэлзлэл байвал хэн нэгний үүд хаалгыг сахиж ивээн тэтгэлэг бэлэн юм нэхэж суухын оронд өөрөө л оролдоод үз гэж хэлмээр байна. Өөрөө бүтээсэн амьдрал амттай байдаг.

Б.Эрхэмбаяр 
2016 оны 9 дүгээр сарын 20
Улаанбаатар хот
     


Та бас дараахь нийтлэлүүд сонирхоорой:

0 сэтгэгдэл